ស្រុកស្ទឹងហាវ៖ នៅថ្ងៃទី១៥ ខែកក្កដា ឆ្នាំ២០២៤ វេលាម៉ោង ១៤:០០ នៅចំណុចក្បែររោងចក្រត្រីជី ស្ថិតនៅ ភូមិ២ ឃុំអូរត្រេះ ស្រុកស្ទឹងហាវ ខេត្តព្រះសីហនុ សមត្ថកិច្ចបានឲ្ុដឹងថា មានរថយន្តម៉ាកKAI ពណ៍ស ពាក់ផ្លាកលេខព្រះសីហនុ 2A-9614 អ្នកបើកបរមិនស្គាល់អត្តសញ្ញាណ បើកបរក្នុងទិសដៅ ពីលិចទៅកើត លុះបើកមកដល់ចំណុចខាងលើ ក៏ត្រូវបានរថភ្លើង(ខ្សែដឹកអ្នកដំណើរ) ក្នុងទិសដៅស្របគ្នា បុកពីក្រោយផ្នែកខាងឆ្វេងរថយន្ត យ៉ាងពេញទំហឹង ទើបបណ្តាលអោយរថយន្តក្រឡាប់តែម្តង។
រថភ្លើងដឹកអ្នកដំណើរ ពណ៍លឿងលាយខៀវ លេខ AS 1001 អ្នកបើកបរឈ្មោះ ស៊ុន វាន់គីរី ភេទប្រុស អាយុ៣៣ឆ្នាំ ស្រុកកំណើត ភូមិកោះញេញ ស្រុកទឹកឈូ ខេត្តកំពត ។ ទិសដៅពីខេត្តព្រះសីហនុ ទៅភ្នំពេញ «ករណីខាងលើ មិនមានអ្នករបួសទេ»។
បច្ចុប្បន្ន រថភ្លើងបានបន្តដំណើរទៅមុខទៀត រីឯរថយន្តកំពុងទាក់ទង រថយន្តស្ទួចដើម្បីរក្សាទុកនៅអធិការដ្ឋានស្រុកស្ទឹងហាវ អនុវត្តន៍បន្តតាមច្បាប់ ៕
